תהילים פרק ט

פרק ט

לַמְנַצֵּחַ עַל מוּת לַבֵּן, מִזְמוֹר לְְדָוִד: אוֹדֶה יְהֹוָה בְְּכָָל לִבִּי, אֲסַפְְּרָה כָָּל נִפְלְְאוֹתֶיךָ: אֶשְׂמְְחָה וְְאֶעֶלְצָה בָךְ, אֲזַמְְּרָה שִׁמְךָ עֶלְיוֹן: בְְּשׁוּב אוֹיְְבַי אָחוֹר, יִכָּשְְׁלוּ וְְיֹאבְְדוּ מִפָּנֶיךָ: כִּי עָשִׂיתָ מִשְׁפָּטִי וְְדִינִי, יָשַׁבְתָּ לְְכִסֵּא שׁוֹפֵט צֶדֶק: גָּעַרְתָּ גוֹיִם, אִבַּדְתָּ רָשָׁע, שְְׁמָם מָחִיתָ לְְעוֹלָם וָעֶד: הָאוֹיֵב תַּמּוּ חֳרָבוֹת לָנֶצַח, וְְעָרִים נָתַשְׁתָּ אָבַד זִכְרָם הֵמָּה: וַיהֹוָה לְְעוֹלָם יֵשֵׁב, כּוֹנֵן לַמִּשְׁפָּט כִּסְאוֹ: וְְהוּא יִשְׁפֹּט תֵּבֵל בְְּצֶדֶק, יָדִין לְְאֻמִּים בְְּמֵישָׁרִים: וִיהִי יְהֹוָה מִשְׂגָּב לַדָּךְ, מִשְׂגָּב לְְעִתּוֹת בַּצָּרָה: וְְיִבְטְְחוּ בְְךָ יוֹדְְעֵי שְְׁמֶךָ, כִּי לֹא עָזַבְתָּ דֹרְְשֶׁיךָ יְהֹוָה: זַמְְּרוּ לַיהֹוָה יֹשֵׁב צִיּוֹן, הַגִּידוּ בָעַמִּים עֲלִילוֹתָיו: כִּי דֹרֵשׁ דָּמִים אוֹתָם זָכָר, לֹא שָׁכַח צַעֲקַת עֲנָוִים: חָָנְְנֵנִי יְהֹוָה, רְְאֵה עָָנְיִי מִשֹּׂנְְאָי, מְְרוֹמְְמִי מִשַּׁעֲרֵי מָוֶת: לְְמַעַן אֲסַפְְּרָה כָָּל תְְּהִלָּתֶיךָ, בְְּשַׁעֲרֵי בַת צִיּוֹן אָגִילָה בִּישׁוּעָתֶךָ: טָבְְעוּ גוֹיִם בְְּשַׁחַת עָשׂוּ, בְְּרֶשֶׁת זוּ טָמָנוּ נִלְכְְּדָה רַגְלָם: נוֹדַע יְהֹוָה מִשְׁפָּט עָשָׂה, בְְּפֹעַל כַּפָּיו נוֹקֵשׁ רָשָׁע, הִגָּיוֹן סֶלָה: יָשׁוּבוּ רְְשָׁעִים לִשְׁאוֹלָה, כָָּל גּוֹיִם שְְׁכֵחֵי אֱלֹהִים: כִּי לֹא לָנֶצַח יִשָּׁכַח אֶבְיוֹן, תִּקְוַת עֲנִיִּים תֹּאבַד לָעַד: קוּמָה יְהֹוָה אַל יָעֹז אֱנוֹשׁ, יִשָּׁפְְטוּ גוֹיִם עַל פָּנֶיךָ: שִׁיתָה יְהֹוָה מוֹרָה לָהֶם, יֵדְְעוּ גוֹיִם אֱנוֹשׁ הֵמָּה סֶּלָה: